Koartzak protagonista 'Norteko Ferrokarrillean'

"Norteko Ferrokarrila"ren denboraldia bukatzen ari da pixkanaka, eta horrek esan nahi du agur esaten hasi behar dutela ohiko kolaboratzaileei. Hegaztien munduan gidari izan dutena agurtuko dute saioan. Rafa Saiz Itsas Enara Ornitologia elkartearen presidentea.

Bere azken kolaborazioan, Rafak koartzei buruz hitz egin du. Gero, udaberrian ikusten ditugun hegaztiak aipatu ditu. Albiste onak daude alde horretatik, aspaldian hemen ugaldu ez diren espezie batzuk ugaldu baitira aurten.

Bestalde, Rafak Txingudiko badiaren babes ofizialari buruz ere hitz egin du, alde batetik babesaren etorkizunaz, eta bestetik babestearen garrantziaz hitz egiteko.