Euskadi Irratia
Urriak 30
Lana izango du hizpide igandeko 'Zubiak' saioak
G.U.
EiTB
Alaia Martinek eta Artzen Letonak sindikalismoa, Elkar enpresa, Usurbilgo Lanbide Eskola eta Zubieta herri nafarra izango dituzte ardatz saioaren 8. atalean.
-
Usurbilgo Lanbide Eskolan
Lana hizpide hartuta etorriko dira Alaia Martin eta Artzen Letona igande honetako 'Zubiak' saioan. France Blue Pays Basque Iparraldeko irrati kateak eta Euskadi Irratiak elkarlanean egiten duten saioaren zortzigarren atala izango da entzungai urriaren 30ean, 15:00etan.
Ikasketa mundutik lan mundura dauden zubiez, umetako ametsetatik errealitatera dauden zubiez eta zubigune diren herriez arituko dira, eta, bide batez, sindikalismoa ere izango dute hizpide igandeko saioan.
Gai horiei heltzeko, Elkar enpresa ezagutuko dute, Oliber Foixekin hitz egingo dute sindikalismoaz eta bere lanaz, Usurbilgo Lanbide Eskolara joango dira, eta zubietan barrena ibiliko dira Nafarroako Zubietan.
Igande arratsaldean, entzun 'Zubiak' saioa, Euskadi Irratian.
skadi Irratian.