Euskadi Irratia
"Urrezko Diskoa"
Gram Parsons, country-rock estiloa asmatu zuen musikaria
O.K.
Euskadi irratia
60ko hamarraldian, Gram Parsons-ek rock banda bat osatu zuen eta country musika jotzen hasi zen. Kultoko artista bat da eta eragin zabala izan du musikaren munduan.
Parsons-en miresleen artean daude, esaterako: Rolling Stones, Emmy Lou Harris edota Elvis Costello.
Gram Parsons-en eskutik sortu zen The International Submarine Band, country musika joko zuen lehen rock banda. Ondoren, The Byrds eta The Flying Burrito Brothers taldeei utziko zien Parsons-ek bere igurtzi pertsonala. Bakarlari gisa oraindik ere urrutiago joan zen. Country musika eta rock-a, bi estiloak gurutzatu, uztartu eta azkenean genero bakar batean funditu zituen. Hil aurretik Gram Parsons-ek ez zuen disko askorik saldu baina kultoko artista izan zen beste musikarientzat. Hil ondoren, haren eragina are eta zabalagoa izan da. Asko eta asko dira, Parsons-en grabazioetara jo dutenak inspirazio bila. Gram Parsons-ek disko gutxi utzi zituen baina eragin haundikoak. Hoien artean dago Urrezko Diskoaren atalean eskaintzen dizuegun hau: Grievous Angel . Bertan, honako kanta hauek entzun daitezke.
1. Return of the Grievous Angel 4:19
2. Hearts on fire 3:50
3. I can’t dance 2:20
4. Brass Buttons 3:27
5. $1000 Wedding 5:00
6. Cash on the barrelhead 2:20
7. Hickory wind 4:15
8. Love hurts 3:40
9. Ooh Las Vegas 3:29
10. In my hour of darkness 3:42
