Euskadi Irratia
Apirilak 30
Burdineria izango du ardatz, igandean, 'Zubiak' saioak
G.U. | ERREDAKZIOA
EiTB
Alaia Martinek eta Artzen Letonak txatarra edo burdineriaz josiko dute igande honetako saioan.
-
Irati Laboa
Burdineria izango du ardatz igande honetan Artzen Letonak eta Alaia Martinek gidatzen duten 'Zubiak' saioak. France Bleu Pays Basque Iparraldeko irrati kateak eta Euskadi Irratiak elkarlanean egiten duten saioaren hogeita hamaikagarren atala izango da entzungai apirilaren 30ean, 15:00etan.
Elkarrizketatu nagusia Irati Laboa izango da, Zubitxo txatartegiko langilea, paisajista eta diseinatzailea izandakoa da, edozeri distira ateratzeko gai den lezoarra. Bestalde, Jon Garcia Larrar artista, burdineriarekin ere lan egiten duena, bisitatuko dugu. Baionako tren zubia Helene Charrittonekin gurutzatuko dugu, eta Barakaldoko Mikel Pikatza zirku antzezlearekin "Txatarra" ikuskizunaz eta ofizioaz jardungo gara.
Igande arratsaldean, entzun 'Zubiak' saioa, Euskadi Irratian.
atian.