Euskadi Irratia
"Urrezko Diskoa"
'Eponymous', R.E.M taldearen bilakaera folk-rock estilotik rockera
O.K.
Euskadi Irratia
REM taldeak IRS diskoetxearekin argitaratu zituen lehen bost diskoetako kantarik onenak jasotzen ditu. Ageriko jartzen du beraz, taldeak epe horretan izan zuen estilo bilakaera
Folk-rock alternatiboa eginez abiatu zen REM taldea 80ko hamarkadan. Kanal alternatiboetan ihardun arren ordea, publiko zabalarekin bat egitea lortu zuen REM-ek.
Taldearen hasierako kanta organiko eta underground haietan berehala arnasten da folk-rockeko maisuen eragina. Hau da, The Byrds, Box Tops eta First National Band-ena. Gutxika-gutxika ordea, R.E.M taldea geroz eta rockeroago bilakatuz joango zen eta hori ageriko geratzen da, 6 urtetan barrena konposatutako gaiak jasotzen dituen lan honetan.
"Eponymous" disko-bildumako kantak inteligentziaz aukeratuta daude. Nagusiki, irratiz zabaldu ziren singelen bilduma bat dela esan genezake. Kasurik gehienetan jatorrizko bertsioari eutsi zaio. Baina ez beti. Kanta batzuetan moldaketak egin dira eta beste batzuetan modu berri batean nahastu dituzte soinu-pistak. Azken hau hobekuntza nabarmena izan da "Gardening at Night" abestiarentzat. Jatorrizko bertsioan oso estalita geratzen ziren ahotsak eta "Eponymous" bilduman ordea, behar bezala entzun ditzakegu zorionez. Gainerako moldaketei dagokienez, R.E.M-en jarraitzaileak ez dira ados jartzen. Badira nahiago dutenak jatorrizkoa eta badira gustokoago dutenak moldaketa berria.
Azkenik, bada kontuan hartu beharreko beste datu pare bat. "Eponymous" plazaratu arte R.E.M-ek argitaratu gabe zuen kanta bat jaso zen bilduma honetan. "Romance" kantari buruz ari gara eta “Made in Heaven” filmaren soinu-bandarako konposatu zuten gaia da. Bigarren datu azpimarragarria honako hau dugu: REM zaleek abesti bakoitzari buruzko komentario interesgarriak aurkituko dituzte "Eponymous" disko-bilduman.
Hauexek dira diskoa osatzen duten 12 kantak:
1. Radio Free Europe (Original Hib-Tone Single) 3:49
2. Gardening At Night (Different Vocal Mix) 3:30
3. Talk About The Passion 3:21
4. So. Central Rain 3:15
5. (Don''t Go Back To) Rockville (Reckoning) 4:32
6. Can''t Get There From Here (Album Version) 3:39
7. Driver 8 3:23
8. Romance 3:27
9. Fall On Me 2:51
10. The One I Love 3:17
11. Finest Worksong (Mutual Drum Horn Mix) 3:50
12. It''s The End Of The World As We Know It (And I Feel Fine) 4:05
