Euskadi Irratia
Igandean
Izoztu egingo gaitu 'Zubiak' saioak asteburuan
ERREDAKZIOA | G.U.
Igandean, 15:00etatik 16:00etara, Artzen Letona eta Alaia Martin gidariek eta Saioa Alkaiza kolaboratzaileak itzotza izango dute ardatz.
-
Elena Caballero Villanueva
Igande honetako 'Zubiak' saioa izoztu egingo da. 15:00etatik 16:00etara, Artzen Letona eta Alaia Martin gidariek eta Euskalerria irratiko Saioa Alkaiza kolaboratzaileak izotza hartuko dute ardatz, France Bleu Pays Basque Iparraldeko irrati kateak eta Euskadi Irratiak elkarlanean egiten duten saioan.
Esaterako, Izotzezko erregina diskoaren egilea izango dugu gurekin, Elena Caballero Villanueva bilbotarra. Bestalde, Mikel Mendizabal Angeluko Hormadi izotz hockey taldeko donostiarra elkarrizketatuko dugu, eta Robert Larrandaburu "Pipas"en izotzezko abenturak entzungo ditugu. Gainera, Nafarroako errepideetan ibiliko gara bidea nola zaintzen duten ikasteko.
Euskadi-Nafarroa-Akitania erakundearen diru-laguntzari esker zabaltzen dugu irrati-uhinetan 'Zubiak' saioa igande arratsaldero.
