'Steppin out', music-halleko kantak jazz giroan

Jazzlari bikainek lagundu zioten, Oscar Peterson pianistaren gidaritzapean.
Testua (Laburpena baina zabalagoa)50eko hamarkadan jazz estiloan grabatu zituen Verve Records zigiluak, Ameriketan hogei urte lehenago famatu egin ziren kantak. Proiektu horren barruan 1952 urtean harremanetan jarri zen Fred Astaire-rekin, dantzariari zineman eta Broadwayn arrakasta eman zioten kantak moldatzeko. Estudioan, sei jazzlari bikainez inguratu zuen Astaire. Tartean izan zen Oscar Peterson, pianista ospetsua, eta guztien gidari arituko zena.Urrezko disko bat landu zuten. Ez grabazioaren soinuari dagokionez bakarrik, nahiz eta harrigarria den garai hartako grabazioa izateko diskoak duen kalitatea. “Steppin Out” bildumak beste hainbat ezaugarri ere baditu bere alde. Hasteko, ageriko jartzen du zer nolako garrantzia duten erritmoaren senak eta hitzen fraseatuak abestien interpretazioan. Fred Astairek ahotsaren ikuspegitik izan ditzakeen gabeziak albora geratzen dira kantatzerakoan erakusten duen sentsibilitate, musikalitate eta erritmoaren zentzu paregabearekin. Bestalde, zubia eraikitzen du 1930eko music-halleko kantuen eta 50eko jazz estilo berriaren artean. Izan ere, ezin dugu ahaztu bilduma honetan jasotako kantarik gehienak Fred Astairentzat idatzi zituztela Berlin, Porter, Gershwin eta beste hainbat puntako egilek. Ildo beretik gogoratu beharra dago Astaire bera izan zela jatorrizko grabazioen interpretea eta top-zerrenden puntara eraman zituena. Jazz giroko moldaketa honetan ordea, showmanak inoiz baino hobeto interpretatzen ditu bere errepertorio zabaleko gai nagusiak. Besteak beste, 20 urte oholtza gainean jasotako esperientziak heldutasuna ematen diolako Fred Astaireren ahotsari.Azkenik, genero hau maite dutenek jakin bezate badela beste bilduma zabalago bat “The Astaire Story” izenarekin non 2 CD-tan jasotzen diren haren grabazio guztiak. “Steepin out” diskora itzuliz, hauexek dira bilduma osatzen duten 17 kantak:

1. Steppin'' Out With My Baby 2:25
2. Let''s Call The Whole Thing Off 4:40
3. Top Hat, White Tie And Tails 3:51
4. They Can''t Take That Away From Me 4:26
5. Dancing In The Dark 4:50
6. ''S Wonderful 3:00
7. The Way You Look Tonight 3:01
8. They All Laughed 2:59
9. I Concentrate On You 2:47
10. Night And Day 5:02
11. A Fine Romance 3:47
12. Nice Work If You Can Get It 2:10
13. The Continental 3:32
14. I Won''t Dance 3:04
15. You''re Easy To Dance With 2:48
16 Change Partners 3:09
17. Cheek to Cheek 3:20