Euskadi Irratia
Igandean
Asteburu honetako 'Zubiak' saioak organoak erakutsiko dizkigu
ERREDAKZIOA | G.U.
Igandean, 15:00etatik 16:00etara, Artzen Letona eta Alaia Martin gidariek eta Saioa Alkaiza kolaboratzaileak askotariko organoak izango dituzte ardatz.
Igande honetako 'Zubiak' saioan, organoak izango ditu hizpide aste honetan. 15:00etatik 16:00etara, Artzen Letona eta Alaia Martin gidariek eta Euskalerria irratiko Saioa Alkaiza kolaboratzaileak organoak erakutsiko dizkigute, France Bleu Pays Basque Iparraldeko irrati kateak eta Euskadi Irratiak elkarlanean egiten duten saioan.
Hasteko, Nere Sotil Buldainek gure organo handienaz hitz egingo digu: azalaz. Gainera, Iñaki eta Luis Mendigurenek euren istorioa kontatuko digute; anaiak dira eta bietako batek giltzurruna eman zion besteari. Bestalde, Iban Erguy organo-jotzailearekin elkartuko gara Baionan, eta Lander Atutxak organoen transplanteak eta dohaintzak nola egiten diren azalduko digu.
Euskadi-Nafarroa-Akitania erakundearen diru-laguntzari esker zabaltzen dugu irrati-uhinetan 'Zubiak' saioa igande arratsaldero.
