Euskadi Irratia
Larunbatean
Organo-emaileez, 'Amarauna' saioan
ERREDAKZIOA | G.U.
Hildako senideen organoak beste pertsona batentzat eman dituzten ama-alaben testigantza jasoko dugu. Gainera, euskal sagardogintzan emakumeek izan duten pisuaz ariko gara.
Organo-emaileen gaia aztertuko dugu larunbateko 'Amarauna' saioan: besteak beste, semea/anaia galdu eta haren organoak beste pertsona batentzat erabili dituzten ama-alaben testigantza entzungo dugu.
Oso bestelako gai batekin, sagardo upel artean sartuko gara, eta Iparragirre eta Zelaia sagardotegiko Arantxa Iparragirrerekin eta Oihana Gancerainekin solasean ariko gara, euskal sagardogintzan emakumeek izan duten pisuaz, lanaz, arduraz eta garaien aldaketaz gogoeta egite aldera. Kolonbiako eta Mexikoko berriemaileek ekarritako albisteekin amaituko dugu larunbateko irratsaioa.
10:00etatik 13:00etara, 'Amarauna' saioak kateatuko zaitu.
