Euskadi Irratia
Igandean
Sokaz lotuko dugu aste honetako 'Zubiak' saioa
ERREDAKZIOA | G.U.
Igandean, 15:00etatik 16:00etara, Artzen Letona eta Alaia Martin gidariek eta Saioa Alkaiza kolaboratzaileak soka hartuko dute ardatz.
Igande honetako 'Zubiak' saioa sokaz lotuko dugu. 15:00etatik 16:00etara, Artzen Letona eta Alaia Martin gidariak eta Euskalerria Irratiko Saioa Alkaiza kolaboratzailea sokaren bueltan ibiliko dira, France Bleu Pays Basque Iparraldeko irrati kateak eta Euskadi Irratiak elkarlanean egiten duten saioan.
Hasteko, Jean-Michel Camou Oragarreko auzapezarekin ibiliko gara, Amikuzeko oihanean, sokazko zubian. Gainera, soka/dantza eingo dugu, behar bereziak dituzten umeen gurasoen Pausoka elkartearen lana ezagutuko dugu eta Shakti Olaizola ekilibrista eta kontortsionista izango dugu elkarrizketatu nagusia.
Euskadi-Nafarroa-Akitania erakundearen diru-laguntzari esker zabaltzen dugu irrati-uhinetan 'Zubiak' saioa igande arratsaldero.
