Euskadi Irratia
Larunbatean
Masterrak eta gazteen alokairua, 'Amarauna' saioko aterkipean
ERREDAKZIOA | G.U.
Arantxa Urretabizkaiarekin eta Onintza Enbeitarekin aztertuko ditugu gai horiek. Bestalde, Oñatiko Ezpeleta aterki-enpresara egingo dugu bisita eta World Press Photo sarietako irabazleez ariko gara.
Larunbat honetako 'Amarauna' saioan, Arantxa Urretabizkaiari eta Onintza Enbeitari jarriko dizkiogun puntuen artean, masterrak izango ditugu. Nagore Zinkunegik badu berea, eta kontatuko du bere esperientzia. Gazteei, Jaurlaritzak alokairurako eman nahi dizkien laguntzei buruz ere arituko gara, 10:00etan hasita.
Oñatiko Ezpeleta aterki-enpresara ere egin dugu bisita, 11:15 aldera. Euripean joan den astean beharrezko izan dira aterkiak, ea zernolako kanpaina egin duten. World Press Photo sarietako irabazleak ere jakinaraziko dituzte gure argazkilariek, Gorka Rubiok eta Jagoba Manterolak, 10:30ean, eta Dani Lasarekin, 11:30ean, Borraja Komando nafarraz ariko gara.
10:00etatik 13:00etara, 'Amarauna' saioak kateatuko zaitu.
