Euskadi Irratia
Igandean
Gure Esku Dagoren galdeketak, Expovacaciones eta Fandiño, 'Amarauna' saioan
ERREDAKZIOA | G.U.
Portugalete, Laudio eta Doneztebeko ordezkariei emango diegu hitza. Gainera, Urduñak Fandiñori egingo dion omenaldia dela eta, iaz hil zen torero, txistulari eta pilotaria oroituko dugu.
Gure Esku Dagok deitutako hainbat galdeketa egingo dituzte igandean, eta Portugalete, Laudio eta Doneztebeko ordezkariei emango diegu hitza 'Amarauna' saioan, 10:00etan. Bestalde, Fandiño, Urduñako txistulari, pilotari eta toreroa ere izango dugu gogoan, omenaldia egingo baitiote bere jaioterrian.
Gainera, BECen oporretarako mundu osoko tokiak batu dituzte asteburuan, Expovacaciones azokan. Hantxe ibiliko gara informazioa biltzen, gero dena txukun entzuleei aurkezteko, 11:00etan. Bukatzeko, blogariekin sarean murgilduko dira, Benito Fiz, Joxe Rojas eta Josu Lezametaren eskutik.
