Euskadi Irratia
Larunbata
Onintza Enbeita eta Arantxa Urretabizkaia, eta Bilboko errugbizaleak, 'Amarauna'n
ERREDAKZIOA | G.U.
Turismo jasangarriaz eta lan publikorako oposizioak izango dituzte mintzagai, 14.000 karakteretan, eta Bilbon asteburuan jokatuko diren Europako errugbi txapelketei ere egingo diegu jarraipena.
Turismo jasangarriaz eta lan publikorako oposizioak, horiek izango dituzte mintzagai Onintza Enbeitak eta Arantxa Urretabizkaiak, 14.000 karakteretan, 'Amarauna'ren hasieran. Osakidetzako oposizioak abiatuko diren egunean, Gasteiztik lehen proba horietako giroa biltzen saiatuko gara.
Bilbon jokatzen ari diren Europako errugbi txapelketak jarraitzen ari diren errugbizaleen ahotsa ere bilduko dute: Ordizia, Getxo eta Lapurdiko zaleek Bilboko jardunaldia nola bizi duten kontatuko dute. Gainera, Nesplora enpresa ezagutuko dugu barru-barrutik, eta Dani Lasa sukaldariarekin, Madrilen egin duten Gourmet Azokako hainbat produktu berri jarriko ditugu mahai gainean, tartean, Bermeon egiten duten hegaluze hanburgesa.
