'Amarauna'ren zati handi bat Senperetik egingo dugu igandean, 'Prefosta'

Herri Urratsen aurtengo leloa hartuta, goiz osoan zehar Senpereko lakuaren inguruko giroaren berri emanez joango gara 'Amarauna' saioan, 10:00etan hasita. Odei Barroso, Manex Erdozaintzi Kolegioko ordezkariak, bisitariak… denen ahotsak bilduko ditugu.

Bestalde, Gasteizen barna bidaian, 'Eraztun berdea' ezagutuko dugu 10:30ean, eta Principal antzokiaren mendeurrena dela-eta, antzokiaren barrunbeetan ibiliko gara 11:30ean. Ziber-segurtasuna gure enpresetan nola zaintzen duten ere aztertuko dugu 12:00etan, astean zehar Donostian egin dituzten jardunaldien ostean.

10:00etatik 13:00etara, 'Amarauna' saioak kateatuko zaitu.