Euskadi Irratia
Igandean
Ileak trentzatuko du 'Zubiak' saioa asteburuan
ERREDAKZIOA | G.U.
Igandean, 15:00etatik 16:00etara, Artzen Letona eta Alaia Martin gidariak eta Saioa Alkaiza kolaboratzailea ileaz ariko dira.
Igande honetako 'Zubiak' saioa ileak estaliko du. 15:00etatik 16:00etara, Artzen Letona eta Alaia Martin gidariak eta Euskalerria Irratiko Saioa Alkaiza kolaboratzailea ilearen bueltan ibiliko dira, France Bleu Pays Basque Iparraldeko irrati kateak eta Euskadi Irratiak elkarlanean egiten duten saioan.
Hasteko, Harkaitz Barreros Soria H motion ileapaindegiko artista izango dugu gonbidatu nagusi. Gainera, Itsaso Agirre bermeotarrarekin Gernikako Puntak ileapaindegian egongo gara, Mechones Solidarios, gaixotasunen batengatik ilea galdu duten pertsonei laguntzeko proiektua, ezagutzeko. Bestalde, gorputzeko ilea kentzearen edo ez kentzearen hautuaz jardungo gara eta bizarra egiteaz arituko gara, aho-bizarrik gabe.
Euskadi-Nafarroa-Akitania erakundearen diru-laguntzari esker zabaltzen dugu irrati-uhinetan 'Zubiak' saioa igande arratsaldero.
