Euskadi Irratia
Igandean
Harpeetan sartuko da 'Zubiak' saioa asteburuan
ERREDAKZIOA | G.U.
Igandean, 15:00etatik 16:00etara, Artzen Letona eta Alaia Martin gidariak eta Saioa Alkaiza kolaboratzailea harpeez ariko dira.
-
El Soplao kobazuloa. Argazkia: Ilunpe Arte.
Igande honetako 'Zubiak' saioa lurpean ibiliko da, harpeak aztergai. 15:00etatik 16:00etara, Artzen Letona eta Alaia Martin gidariak eta Euskalerria Irratiko Saioa Alkaiza kolaboratzailea kobetan edo harpeetan sartuko dira, France Bleu Pays Basque Iparraldeko irrati kateak eta Euskadi Irratiak elkarlanean egiten duten saioan.
Hasteko, Ekainberri proiektuaz hitz egingo dugu bertako gerente den Juanjo Arambururekin eta urpeko harpeetan bidaiatzeaz Eric Jelosekin. Bestalde, Mendukiloko koban haurren betaurrekoak jantziko ditugu eta ILUNPE ART argazki taldeko Iñigo Gomez de Seguraren eta Igor Villaren flashek erakutsiko dizkigute kobak barrutik.
Euskadi-Nafarroa-Akitania erakundearen diru-laguntzari esker zabaltzen dugu irrati-uhinetan 'Zubiak' saioa igande arratsaldero.
