Pedro Migel Etxenike, 'Faktoria'n

Pedro Migel Etxenike DIPCko zuzendaria izango dugu astelehen honetan 'Faktoria' magazinean gonbidatu nagusi. 'Passion for Knowledge' ekimenaren harira hitz egingo du Manu Etxezorturekin, 11:30ean.

Bestalde, Bizkaiko metalgintzako 50.000 langile inguru grebara deituta daude astelehenetik hasita. Goizean goizetik kalera egingo du albistegiak deialdi horren jarraipena gertutik neurtzeko. 09:30etik aurrera, gainera, sektore horretako langile biren egunerokoaren testigantza eta Adolfo Rey Bizkaiko metal federazioko gerentearen hitzak jasoko dituzte.

Solasaldian, Iñaki Galdos, Julen Orbegozo, Felipe Juaristi batuko dira irrati-mahaiaren bueltan. Goizeko albistegiaren aurreko iritzi-tartearen ardura, Elixabete Garmendiarena izango da.

10:00etan ekingo dio magazinari Manue Etxezortuk. Iker Gurrutxagarekin eta Leire Urkidirekin,kirol saolsaldia izango dugu hasteko. Gainera, San Mamesen txalaparta jotzen hasi dira partidaren aurretik eta Ander Sanchez txalapartariarekin hitz egingo dugu. 11:00etan, bi bilbotar peto-peto ere izango ditugu: Jon Aldeiturriaga eta Mikel Martinez, eta jarraian izango dugu Pedro Migel Etxenikeren elkarrizketa. 12:o00etan Kutxa Ekogunearen tartea zabalduko dugu, eta seginda, Nordic Walkinga ere izango dugu hizpide.

07:00etatik 13:00etara, martxan izango da 'Faktoria'.