Gipuzkoako elizbarrutiko haserrea, Santa Klara Uhartea eta Teila fabrika, 'Faktoria'n

Donostiako Santa Klara uhartera garabi handi bat eramango dute helikopteroz itsas-argia hustutzeko, eta bertatik bertara ikusiko dugu prozesu hori 'Faktoria' albistegian. Gainera, Gipuzkoako elizbarrutian dagoen haserreaz ariko gara.

10:00etan ekingo dio magazinari Manu Etxezortuk. Hasteko, Google, Amazon, Facebook eta Apple enpresen fiskalitateaz ariko gara Endika Alabort ekonomialariarekin. Teila fabrika ere ezagutuko dugu, Egian sortu duten espazio berria, etxean lana egin beharrean hara joateko.

11:00etan, Elkanoren argi-ilunak ekarriko dizkigu Xabier Alberdi kolaboratzaileak, eta, jarraian, Gatikako Wake-Parka ezagutuko dugu.12:00etan, berriz, Arpana (lokotx) txapelketako EH-ko txapeldunak izango ditugu.

07:00etatik 13:00etara, martxan izango da 'Faktoria'.