Joseba Egibar, asteazkeneko 'Faktoria'n

EAJren Gipuzko Buru Batzarreko presidente Joseba Egibar elkarrizketatuko du Maite Artolak asteazkeneko 'Faktoria' albistegian, 09:00etatik aurrera.

Solasaldian, askotariko gaiez ariko dira Hedoi Etxarte, Mikel Irizar eta Iker Rioja. Koldo Almandozek zinema mundukoak ekarriko ditu, eta Amagoia Gurrutxagak sinatuko du eguneko zutabea.

10:00etan ekingo dio magazinari Manu Etxezortuk. Hasteko, Iker Markinez sukaldariaren gomendioak jasoko ditugu, eta, ondoren, Donostiako metroaren lanak sortzen ari diren kalteez ariko gara. Mikel Chamizoren tartean, EOSen denboraldi berrirako abonuak banatuko ditugu, eta Iruñeko katakrak bisitatuko dugu. Azkenik, Urbil Artola musikaria elkarrizketatuko dugu.

07:00etatik 13:00etara izango da martxan 'Faktoria'.