'Baipasa' saioak beteko ditu Euskadi Irratiko arratsaldeak, gaurtik aurrera

Gaurtik aurrera, hiru orduko magazin berria estreinatuko dugu Euskadi Irratian: 'Baipasa'. Olaia Urtiagak gidatuta, astelehenetik ostiralera izango da entzungai, 16:00-19:00ak bitartean. Halaber, 'Mezularia'k 19:00tan eguneko albisteen bilduma egingo du.

Orain arte, 'Hiri Gorrian' saioak eta 'Mezularia' albistegi magazinak osatu dute 16:00-19:00ak bitartekoa Euskadi Irratian. Urtarrilaren 7tik aurrera, saio berri batek hartuko du lekukoa, aurrekoen ekarpenak aintzat hartu eta bide berriak urratzeko.

Olaia Urtiaga kazetari gaztea da, baina badu eskarmentua, telebistan eta irratian, albistegietan zein magazinetan.

Olaia Urtiagaz gain, arratsaldeko lantaldean izango dira Maider Segurola, Tere Beloki, Juanjo Sanmiguel, Xiker Esnal eta Unai Iradi kazetariak eta Xabier Iraola eta Xanti Gurrutxaga soinu teknikariak.

Arratsaldetako saio berria, Euskadi Irratian, urtarrilaren 7tik aurrera.