Liburu arrakastatsuenei buruz 'Blai!'n, asteartean

'Udan Blai' saioan,  uda honetan zein nobela izan den irakurrienen artean ikertuko dute hainbat herritako liburudendetan astearte honetan. Eta, bide batez, datorren kurtsorako datozen liburu berriei buruz  galdetuko diete.

Ondoren Euskal Herrian dela aprobetxatuta Erik Odriozola dantzariarekin mintzatuko dira. Europako Balletean aritzen da dantzan, Marsella du horregatik bizileku baina Gabiriko  dantzariak Miarritze  hartuko du dantzalekutzat egunotan. Maitaldia jaialdiaren baitan igoko da eskenatokira. Hantxe zain  izango ditu azken 5 urteotan ikusi ezin izan dutenak: bere senitartekoak. Azkenengoz gero, hedabideen errepasoa egin eta arreta deitutakoen berri emango du Ander Izagirre kazetariak. 12:00etatik aurrera 'Udan Blai', Itziar Arangurenek aurkezten duen saioan.

Eta gainera diskoak zozketagai, hipodromora joateko sarrerak, Pagadikerien rankinak, Ele eta Ale, agenda...