Amatxo, aitatxo: eta nor da Olentzero?

Haurtzaroa, ilusio eta fantasiaren aroa. Errealitatea edertzeko hamaika gezurtxo esaten dizkiegu, esan dizkigute, guk geuk sortu ditugu... baina bada bat, bereziki data hauekin zerikusia duena. Olentzeroren istorioa. Agian iritsi da edo iritsiko da, seme-alabei egia aitortzeko garaia edo posible da, eurak etxera galdera honekin etortzea. Aitatxo, amatxo, eta nor da Olentzero? Zein da modu egokiena erantzuteko? Nola azaldu minik egin gabe? Zein adin da egokia haurrak gezurtxo hori egoki kudeatzeko? Patxi Izagirre psikologoaren laguntza izan dugu Ilargipean.