Ukrainaz eta Putinen benetako asmoez, "Faktoria"n

Diplomaziaren eta maniobra militarren arteko oreka zailean da Ukraina, Errusiaren eta Mendebaldearen arteko tentsioaren joko zelai bihurtuta. Barrutik egoera nola bizi duten kontatuko dute, astearte honetan, Anastasiya Tarashenko eta Anghelina Drozd udetan gurean euskaldundutako ukrainarrek. Eta Vladimir Putinen benetako asmoez arituko dira, haiekin batera, Karina Mishtxenkova Russia Today-ko kazetari ohia eta Irina Paluboko bielorrusiarra. Asier Blas EHUko irakasleak eta Mikel Reparaz ETBko nazioarte alorreko kazetariarekin osatuko ditugu gertatzen ari denari buruzko gako geoestrategikoak.

08:30etik aurrera arituko dira gaiaz, harik eta 09:00etan solasaldira Begoña Sanzberro, Martxelo Otamendi eta Iñaki Galdos batzen diren arte.

Covid-19ak ospitaleetan duen presioaz ere hitz egingo dute Idoia Gurrutxaga Donostia Ospitaleko zuzendari medikuarekin batera.

10:00etako albistegiaren ostean ekingo dio magazinari Manu Etxezortuk. Hasteko, Xabier Arrese txakur hezitzailearekin hitz egingo dugu. Iker Markinez sukaldariak ogitartekoak egiteko ideia berriak ekarriko dizkigu, eta Martxel Rodriguez dantzariari elkarrizketa pertsonala egingo diogu. "Hurrengo geltokia" tartean, autobus gehigarrien kudeaketa eta funtzionamenduaz ariko gara, eta Aitor Aritzeta psikologoaren kontsulta zabalduko dugu gero, komunikazio ez-bortitzaz hitz egiteko. Gainera, larrialdietako merezimendu dominak eskuratu dituzten Joseba Elorrietarekin (Gorbeiako aterpe etxea) eta Iñaki Agirrerekin (Orioko surflaria) hitz egingo dugu.

Azkenik, Iker Garcia Donostia ospitaleko transplante koordinatzailea izango dugu, eta Mauleko espartin lantegi zaharrean gazteen topaleku bihurtu nahi dutenez, Beñat Etchebest Etxalde elkarteko lehendakariarekin hitz egingo dugu. Azkenik, Jon Ander Galarragarekin animalien lezioak ikasiko ditugu.