Gazteak eta indarkeria, areagotzen ari den errealitatea? Ostegunean, "Faktoria"n

Indarkeriara jotzen duten gazte taldeak kontsolidatzen ari al dira?

Gau-giroan hasi diren gazteek lehen baino maizago jotzen al dute borroketara? Segurtasun sailak emandako datuen gainean aztertuko dugu errealitate hori. Faktorian entzungo ditugu gazteen iritziak; jasoko dugu Asier Erkoreka, Euskadiko Udaltzainen Elkarteko buruaren iritzia eta Agintzari elkarteko Unai Zabala gazte hezitzaileak esango digu nola kudeatzen dituzten egoera horiek.

Musukoa espazio publikoan erabiltzeko agindua desagertuko den egunean kalean eta ikastetxeetara joko dugu. Kalean izango gara derrigortasuna desagertuko den egunean herritarren iritziak biltzeko eta eskoletan ere bai. Helduok maskararik gabe ibili bitartean, txikienek eskoletako patioetan oraindik ere jantzi beharko dutelako. Solasaldian egingo diogu tartea gaiari, Luix Barinagarrementeria, Iñigo Aduriz eta Iker Rioja izango diren tertulian eta klima aldaketari buruz hitz egiten amaituko dugu: loratzeak aurreratu al dira? Aranzadiko Pablo Tejero botanikoak erantzungo dio galderari.

10:00etako albistegiaren ostean ekingo dio magazinari Manu Etxezortuk.