Euskadi Irratia
Osteguna, otsailak 17
Eba Blanco, "Faktoria"n
EITB Media
Eusko Alkartasunako idazkari nagusiarekin hitz egingo dugu, euren alderdiaren kongresuaren atariko, kritikoen eta egungo zuzendaritzaren arteko zatiketa giro erabatekoan.
-
Eba Blanco
Eba Blanco Eusko Alkartasunako idazkari nagusia izango da, ostegun honetan, "Faktoria" albistegiko gonbidatu nagusia. EAren kongresua egingo da asteburu honetan, alderdiko kritikoen eta egungo zuzendaritzaren arteko zatiketa giro erabatekoan. Batzar horren atariko egingo dio elkarrizketa Iñaki Guridik, 08:30etik aurrera.
09:00etan, berriz, Amaia Izko, Lourdes Idoiaga eta Iker Rioja eseriko dira irrati mahaiaren bueltan, aktualitateko gaien inguruko analisia egiteko. Besteak beste, Kontsumorako Prezioaren Indizearen igoerak alokairuetan izan duen eragina aztertuko dute. Jabe eta maizterrekin hitz egingo dute eta batuko da saiora Joseba Barandiaran ekonomialaria ere.
10:00etan ekingo dio magazinari Manu Etxezortuk.
