Euskadi Irratia
Osteguna, apirilak 21
Ikastetxeetako kezka orokortuaz "Faktoria"n, gazteen antsietate maila ikusita
EITB Media
Eva Rodriguez Durangoko Jesuitak ikastetxeko zuzendaria, Goizargi Iglesias Errenteriako Orereta Ikastolako DBHko orientatzailea eta Ana Mendizabal Bilboko Unamuno ikastetxe publikoko zuzendaria izango ditugu.
-
Hainbat ikasle, ikastetxe batean. EiTBren bideo batetik hartutako argazkia. Murrizketa testua
Pandemia hasi zenetik urterik latzena izaten ari da. Antsietate krisiak, anorexia eta elkarbizitza arazoak antzeman dituzte DBHko eskoletan. Publiko zein pribatu, orokorra da arazoa, lurralde guztietan. Berritzeguneetara iritsi da kezka, eta ikastetxeak elkartzen dituzten batzarretan lantzen ari dira. Hiru eskolatako arduradunak gonbidatu dituzte osteguneko "Faktoria"ra; Eva Rodriguez Durangoko Jesuitak ikastetxeko zuzendaria, Goizargi Iglesias Errenteriako Orereta Ikastolako DBHko orientatzailea eta Ana Mendizabal Bilboko Unamuno ikastetxe publikoko zuzendaria.
Eneko Etxeberria, Iker Rioja eta Javier Diaz Nocirekin osatuko dugu solasaldia eta aztertuko dugu Frantziako presidentetzarako hauteskundeetako eztabaida. Kanpainan lehen aldiz (eta azkenekoz) aurrez aurre ikusi ditugu Emmanuel Macron eta Marine Le Pen.
10:00etan ekingo dio magazinari Ainhoa Urretabizkaiak.
