Itxaso Atutxa Bizkai Buru Batzarreko presidentea, "Faktoria"n

Maiatzeko hauteskundeen bueltan izaten ari den hautagai dantza betean etorriko da Itxaso Atutxa Miramongo estudioetara, baina bestelako gaien inguruan ere galdetuko dio Iñaki Guridik 08:30etik aurrera, "Faktoria"n. Besteak beste, transferentzien inguruan sozialistekin izan ditzaketen desadostasunez  arituko dira, edo fiskalitateaz hitz egiteko Eneko Anduezak eskatu dien bileraz. Aurrez, neguaren atarian pelleten salmentan izaten ari den espekulazioari helduko diogu ekoizleen, saltzaileen eta erabiltzeen iritziak jasota.

Solasaldiaren garaian, Elena Laka, Hedoi Etxarte eta Felix Arrieta espero ditugu, eta eurekin aztertuko ditugu Kataluniako egoera politikoa, UEMAren txostena eta Botere Judizialaren Kontseilu Nagusiaren berritze ezak datozen orduetan edo egunetan eragin dezakeen Carlos Lesmesen dimisioa. Amaitzeko, Jon Zayas Statkrafteko ingeniaria eta Euskal Herrian Norvegiako enpresak ekoitzi nahi dituen parke eolikoen proiektuen burua elkarrizketatuko dugu.

Lekukoa Maider Segurolak hartuko du 10:00etan, magazinari ekiteko.