Euskadi Irratia
Urtarrilak 3, asteartea
Joseba Asiron, "Faktoria"n
EITB Media
08:30ean elkarrizketatuko du Oihane Yustosek EH Bilduren Iruñeko alkategaia.
-
Joseba Asiron
Datozen hauteskundeei begira, EH Bilduren Iruñeko Udalerako hautagaia izango da berriz ere Joseba Asiron, eta bera izango da astearte honetako gonbidatu nagusia "Faktoria"n. Nola ikusten ditu Nafarroako eta Iruñeko politikagintza? UPNri agintea kentzeko aukerarik ikusten al du? Eta zer daki Enrique Mayaren asmoez? Hori eta gehiago galdetuko dio Oihane Yustos lankideak goizeko 08:30etik aurrera.
Aurrez, zinemetako egoera aztertuko dugu, Estatu frantziarrean, izan ere, 2019an baino ehuneko 27 sarrera gutxiago saldu dituzte 2022an, eta espainiar estatuari dagokionez, ehuneko 40 gutxiago. Solasaldiaren garaian, Eneko Zarraoa, Nerea Azurmendi eta Hedoi Etxarte espero ditugu, eta aktualitateko gaiak aztertzen ari direla Isa Egiguren Aita Mariko komunikazio arduraduna elkarrizketatuko dugu.
Lekukoa Ainhoa Urretabizkaiak hartuko du 10:00etan, magazinari ekiteko.
