Euskadi Irratia
Urtarrilak 10, asteartea
Brasilgo eta AEBko estatu kolpe saiakerez, "Faktoria"n
EITB Media
Mikel Reparaz EITBko nazioarteko gaien arduradunarekin aztertuko dugu zein ezaugarri eta zein sentimendu partekatzen dituzte Trumpen eta Bolsonaroren jarraitzaileek.
-
Brasilgo estatu kolpe saiakerako irudiak
Brasilgo estatu kolpe saiakeraren osteko egoera sakon aztertuko dugu "Faktoria"n Mikel Reparaz EITBko nazioarteko gaien arduradunarekin, baina Brasildik harago jo nahi dugu, eta igandean gertatutakoak duela bi urte Estatu Batuetan gertatu zenarekin ze antzekotasun dituen argitzen ahaleginduko gara: zein ezaugarri eta zein sentimendu partekatzen dituzte Trumpen eta Bolsonaroren jarraitzaileek? Nor dago honen guztiaren atzean? Goizeko 8:30etatik aurrera egingo dugu tarte berezia.
Aurrez, albistegian, Olatz Simonen kronika espero dugu Frantziako Gobernuak aurkeztuko duen Erretreta Planaren inguruan, eta, ondoren, solasaldiaren tartean, Ortzi Murua kazetariak plan horren inguruko xehetasunak azalduko dizkigu. Eta gimnasio eta kiroldegietara ere gerturatuko gara, izan ere, geroz eta gehiago dira goizeko 6etarako kirola egitera joaten diren herritarrak.
Lekukoa Maider Segurolak hartuko du 10:00etan, magazinari ekiteko.
