Itxaso Atutxa, "Faktoria"n

Itxaso Atutxa Bizkaiko EAJko presidentea izango da ostiral honetako elkarrizketa nagusia "Faktoria"albistegian; Iñaki Guridik goizeko 8:30etatik aurrera galdetuko dio aktualitateko gai guztien inguruan. 8:00etako albistegia baino lehen, berriz, Donostiako Egia auzoan egingo den 'keinu poteoa'ri erreparatuko diogu, eta 9:00etatik aurrera, solasaldian, kontu hauek eta gehiago aztertuko ditugu Estitxu Garairekin, Iñigo Adurizekin eta Jurdan Arretxerekin. Horretan ari direla espero dugu Unai Martinez GKSko bozeramailea larunbat honetarako egin duten mobilizazioaren inguruan galdetzeko. Amaitzeko, Aritz Agirre etorriko zaigu bere asteroko uztarekin… oraingoan, ziklo amaieren berri (lanean, maitasunean…) Whatsapp bidez emateak sortzen dituen egoerak ekarriko dizkigu.

Miren Gorrotxategi Elkarrekin Podemosen Legebiltzarreko bozeramailea izango da ostegun honetan "Faktoria" albistegiko gonbidatu nagusia. Goizeko 8:30etatik aurrera erantzungo ditu Iñaki Guridik egingo dizkion galderak. Nolanahi ere, aktualitateari adi izango gara; elurteagatik alerta egoera ez da amaitu, eta berriz ere irtengo gara denboralearen ondorioz gure inguruko herri eta hirietan bizi duten unean uneko egoera kontatzera.

Lekukoa Maider Segurolak hartuko du 10:00etan, magazinari ekiteko.