Maitasun harremanetarako enpresa bat 'Udan Blai!' saioan

Mundu mailan krisia hasi zenetik, maitasun harremanetarako zerbitzuak eskaintzen dituzten enpresak dira euren diru sarrerak izugarri hazi dituzten bakarrak. 'Udan Blai!' saioan Kaixomaitia.com enpresa euskalduneko kideekin izango dira solasean.

Horrez gain, Bilboko Aste Nagusian murgilduko dira, eta bertatik mugitu gabe Euskaldunan sartu eta Sonrisas y Lagrimas musikalean arituko diren umeen kantuak entzungo dituzte.

Udan Plotx umore lan taldea ere estudioan espero dute ostegunean. Eta bukatu aurretik abuztuaren 27an Donostiako Hipodromoan “Euskadi Irratia laisterketa” jarraitzeko sarrerak zozketatuko dituzte.

Gainera, kantuen letrak aldatuta bertsioen diskoa aterako duen Berako Gaztetxeko kideekin mintzatuko dira.