Kalamuari buruzko azokara bisita, igandeko 'Amarauna' saioan

Kalamuaren salmenta eta kontsumoari buruzko eztabaida egiten ari dira hiru egunez Irungo Fikoban. Azoka horretara gerturatuko da 'Amarauna' igande goizean, kalamu-erabiltzaileen elkarteen federazioko idazkariarekin, Urki Goñirekin.

Hamaiketatik aurrera, 'Amaraun'eko hiru blogari ezagun hartuko dituzte, Maite Goñi, Mikel Iturria eta Gorka Julio, sareko azken berriak aztertzeko, euskarari lotuak gehien batean. Eta eurekin batera, sarean boto eske dabilen enpresa arrakastatsua: Legazpiko Arbe kirol denda. Erakusleihoen lehiaketa batera aurkeztu dira Alemanian eta finalista geratu. Orain sareko botoak behar dituzte lehiaketa hori irabazteko.