Euskararen erabilera eskoletan asteazkeneko 'Mezularia'n

Irakasleei maiz entzun diegu ikasleak eurei gazteleraz zuzentzen hasi zaizkiela. Nola jokatu halakoetan? Zer egin ikasleak eskolan ere euskara erabiltzen ez duenean? Gai horri helduko diote asteazken arratsaldean Euskadi Irratiko 'Mezularia'n.

Horrez gain, Itziar Okariz artistak hamasei urte egin ditu New Yorken lanean eta orain Euskal Herrira itzuli da. Etxera bueltan, bere lanaz eta arteaz hitz egingo dute berarekin.

18:00etan, bizilagunen musikaren tartean, Andrea ezagutuko dute. Getxon bizi da bera eta bere gurasoak Palestinarrak dira.