Amarauna
Amarauna
Eskola kirola larunbatean eta emakumeen kontrako indarkeria igandean
Bizkaiko Foru Aldundiak Eskola Kirolean txartel beltza sortu duela eta, horren berri emango dugu, eta Bilgune Feministak eta Emaginek argitaratu duten 'Beldurrak gurekin jai' liburuaz arituko gara.
Txartel beltzaz hitz egiteaz aparte, larunbatean, Eskola Kirola hartzen duten tokiak bisitatuko ditugu, eta kirol mota honen helburuez, ikasleen jokaerez, gurasoenaz, monitoreenaz mintzatuko gara. Ekonomiaz, Oskar Arantzabal adituarekin eta Isa Marin Alemaniako berriemalearekin hitz egingo dugu; besteak beste, gure egoera eta Alemaniakoa konparatuko ditugu. Gainerakoan, larunbatean, bizikleta elektrikoen aldekoak eta kontrakoak aztertuko ditugu. Eta saioa amaitzeko, Barricada taldearen despedidaz eta Artziniegako museoko txarribodaz hitz egingo dugu.
Igandean, Bilgune Feministak eta Emaginek kaleratutako liburuaz hitz egiteaz aparte, emakumeentzat antolatutako hainbat tailer interesgarriz jardungo dugu. Horrez gain, Xabier Sukiak Elizondon jokatutako bertso-saioaren laburpena egingo digu. Donostikoari begira ipinita, Enrike Bertekin operan sartuko gara. Bilbon Verdi izan dela ikusgai, eta Baluartera Wagner iristear dela aipatuko dugu. Bestalde, Danel Izagirrek Angela Merkelen biografia egingo digu, bere erara, eta blogarien sareari forma emango diote Maite Goñik, Mikel Iturriak eta Gorka Juliok.
