Amarauna
Amarauna
Seaska, Gabonak eta Alemaniako berriak aste honetan Amaraunean
Hur Gorostiaga, Pirritx, Porrotx eta Mari Motots eta Dani Lasa sukaldaria izango ditugu larunbatean eta Isa Marin Euskadi Irratiko Alemaniako berri emailearekin lasai hitz egingo dugu igandean.
Urte zaila izan da Seaskarentzat aurtengoa eta manifestazio batekin amaituko ditu. Hur Gorostiaga Seaskokako presidenteari galdetuko diogu ea 2014a nola datorren. Larunbatean Euskal Herriko 3 pailazo famatuak ere Amaraunean izango ditugu; Gabonetan kanpaina berriari hasiera emango diote aurten 'Bizipoza' diskoarekin. Eta larunbateko programarekin amaitzeko, Dani Lasa Mugaritzeko sukaldariak Gabonetako otordu alternatibo bat prestatuko digu.
Igandean berriz, Isa Marin Euskadi Irratiko Amelaniako berri emailearekin lasai hitz egiteko aukera hartuko dugu, hango eta hemengo gaiak aztertuko ditugu. Bestalde, Iban Estebez boxeolaria ere programan izango dugu; azken konbatea egin eta programan izango dugu erabakiaz eta konbateaz berbetan. Botika homeopatikoak farmazietara zabaltzeko aukeraz ere hitz egingo dugu. Eta programa amaitzeko, sareko albisteak saltseatuko ditugu Ana Malagon, Haritz Rodriguez eta Noemi Riverarekin.
