Amarauna
Amarauna
'Piano Bat Bertsotan' zuzenean Amaraunean Errege Egunean
10:00etatik 13:00ak arte zabalduko ditu sareak Amaraunak. Errege opil egileekin hitz egingo dute, atzerrira begirada ere botako dute Ainhoa Añorgaren eta abesti eskaerak jasoko dituzte, egin zurea!
Urtarrilaren 6ko Amarauna berezia izango da: Errege Eguneko opariei buruz hitz egingo dugu entzuleekin. Errege Opila egiten duten hainbat lagunekin solasean arituko gara. Atzerrira begira jarriko gara Berlinen bizi den Ainhoa Añorgarekin. Horrez gain, ETB1eko Hizka Mizka saioan ezagutu genuen Ioritz Berrak lehiaketan irabazitako diruari esker egin duen bidaiari buruzkoak kontatuko dizkigu. Zuzeneko musika ere izango dugu astearteko Amaraunean: Piano Bat Bertsotan ekimena abian da berriz ere, atseden luze baten ostean. Jagoba Astiazaran, Joana Ortega eta Sebastian Ustarroz gure estudiora gerturatuko dira, gu eta entzuleak kantuan jartzeko prest. Euskal abestiren bat eskatu nahi izanez gero, orain duzu aukera! 688666000 zenbakira zure whatsapp mezuak bidal ditzakezu. Amarauna@eitb.eus helbidean ere gustura jasoko ditugu zure gomendioak.
