Amarauna
Larunbatean
Tratu txarrak jasan dituen emakume baten bizipenak, 'Amarauna'n
Euskadi Irratia
EiTB
Gainera, Bilbon jokatuko den Binakako Txapelketako finalaz mintzatuko gara larunbateko saioan.
Bikotekidearen tratu txarrak jasan dituen emakume baten bizipenak entzungo ditugu larunbateko 'Amarauna'n, arratsaldean Gasteizen izango den manifestazioaren atariko.
Bestelako hitzordua da Bizkaia pilotalekuan Olaizola eta Urrutikoetxeak Martinez de Irujo eta Rezustaren kontra jokatuko duten Binakako txapelketaren finala. Horri ere erreparatuko diogu, kirol emankizunetan kontatzen ez duten B aldea erakutsiz.
Argazkilariek horrelako finaletan nola jarduten duten kontatuko digute, eta baita Euskal Herriko Txirrindulari Itzulian ere. Amaierako egunean, balantzea egingo dugu Argazki Press-eko lankideekin.
Maputxeen hizkuntza ikasteko Chileko barnetegira joan zen Joseba Irazabal ere etorriko da gurera. Mapudungun hizkuntzaz jardungo dugu berarekin.
dugu berarekin.