Amarauna
Gastronomia
Kepa Freire: 'Hemen ez dago izokina jateko tradiziorik'
Izokina ketzeko, Euskal Herriko egurrak oso bereziak dira: pagoak, esaterako, kolorea ematen dio eta arteak, berriz, zaporea.
-
26:43 min
Aste honetan Norbegiako sukaldaritzara hurbildu gaitu Andoni Munduate kolaboratzaileak. On appétit! programaren baitan, Europako Kultur Hiriburutzarekin zerikusia duten herrietako sukaldarien egonaldiak antolatzen dihardute Donostia 2016ko egitarauan. Oraingoan, Bergen hiritik - 2000 urtean Europako Kultur Hiriburu izandakoa - Siren Opdhal norbegiarra etorri da Euskal Herrira. Plataforma petroliferoetan eta Antardidan sukaldari jardundako chefak Fede Pacha Diametro 200 jatetxeko sukaldaria izango du anfitrioi.
Norbegiako gastronomia izokinarekin lotu ohi dugu askotan. Eta izokinari buruz, izokin ketuari buruz, hain zuzen ere, egin dugu berba. Lemoan egoitza duen Keia enpresako Kepa Freirerekin. Produktu naturalekin ketzen dute izokina, eta baita sardinzarra, hegaluzea eta hegalaburra ere. Ketzearen sekretuak kontatu dizkigu, eta, besteak beste, erabiltzen diren egurren garrantzia azpimarratu du.
