Amarauna
Urriak 30
Saunaren eguna eta muxikoak izango ditugu igandean 'Amarauna'n
G.U.
EiTB
Saunaren egunaren atarian, euskal saunazaleak ezagutuko ditugu. Gainera, alderdi politikoen barruko diziplinaz arituko gara, eta Lezora joko dugu Guiness liburuan sartzen diren ikustera.
-
Muxikoak dantzatzen Lezoko plazan. Argazkia: http://muxikoaklezokorecord.com/
Saunaren eguna ospatuko dute bihar Helsinkin, eta Euskal Herrian ere bada saunazeleen elkartea. Hain justu, Tokion egingo dute mundu mailako sauna zaleek topaketa, eta Euskal Herrikoak onartuko dituzte ofizialki. saunometroa jarriko dugu martxan, igande honetan, 'Amarauna' saioan.
Iruñean gaztetxe berria inaguratu dute, eta erakusteko eskatuko diegu. Urruñan, berriz, Antzerkizaleen eguna dute, eta Kattalin Salaberri aktorea omenduko dute; harekin hitz egingo dugu.
Kongresuan Mariano Rajoy presidente izendatzeko bigarren saiakeraren haritik, sozialistei begira egongo gara guztiak, eta horrek bide eman digu alderdi barruko disziplinaz eta kontzientziaz aritzeko. Jonatan Garcia Rabadan EHUko Zientzia Politikoko irakaslea eta Itziar Garcia Komunikazio Politikoan aditua izango ditugu gonbidatu.
Azkenik, Lezon, muxiko dantzariak munduko errekorra ezartzen eta Guiness liburuan sartzen saiatuko dira. Mila baietz diote…. Ea zenbat elkartzen diren.
10:00etatik 13:00era, kateatu zaitez 'Amarauna' saioan.
aioan.