Amarauna
Errefuxiatuak harrera
Baionan 80 familiatan hartzen dituzte errefuxiatuak; Bizkaian premian daude
Catherine Vrbruggen: 'erraza da klik bat eginda elkartasuna adieraztea. Etxean hartuko dituen jendea behar dugu ordea, eta sarea osatzen joan'. Bi nerabe ditu berak Bilboko bere etxean.
-
Bi errefuxiatu mahaiaren bueltan berriketan irribarrez
10:51 min
Ongi Etorri Errefuxiatuak Bizkaiko kidea da Catherine Vrbruggen belgikarra. Aurten Belgikako familiek 7 mila etorkin hatu dituztela kontatu digu 'Amarauna' saioan. Baionan berriz, 80 etxeetan zabaldu dizkiete ateak nora joanik ez dutenei. Bilbon premian daude eta dei egin du eskuzabaltasunez eta abegikorrak izanda harrera egiteko. Bizpahiru egun egiten dituzte batazbeste etxe bakoitzean baina motza da momentu honetan osatuta duten sarea eta jende gehiagoren beharra dute.
Inolako baldintzarik jarri gabe, paper, lan edo bestelako izapideak kontuan hartu gabe ematen diete lolekua, jana eta konpainia gutxieneko babesa izan dezaten. 18 urte bete berri dituzten gazteak ere badira aterpe beharra dutenen artean. 1997an hasi ziren iristen Bizkaira. 32 urteotan 7.500 adin txikiko etorri dira. Horien arazo nagusia da, 18 urte betetzean, erakundeen babeslekuetatik alde egin beharra daukatela eta nora joanik ez dutela.
