Itxi

2020/09/26

14:58

Amarauna

Mikel Reparaz arrazakeriaz

Mikel Reparaz: "Trump Obamaren ondorio da, supremazistek ezkututik irten zuten"

Fredy afroamerikarra poliziak hil zuen Baltimoren, Heather manifestaria berriz neonazi batek Charlottsvillen. Herrialdeak ere bidaia hori egin zuen Washingtonetik pasata Trump aukeratuz.

  • Las grietas de America liburuaren azala Mikel Reparaz

    Mikel Reparaz kazetaria.

    31:50 min
imagen player
imagen player
imagen player
  • Whatsapp
  • Whatsapp
  • Telegram
  • Bidali

 Las grietas de America liburua kaleratu berri du Mikel Reparazek. Geruzaz geruza aztertzen du gaur egungo arrazakeria, bi mendeetako historia supremazista atalez atal xehetuta. Armiarma erraldoi batekin alderatu du berak arrazakeria, sarea desegiten diotenean, behin eta berriz azpiegitura altxatzea lortzen duen armiarma bezalakoa da supremazismoa. Historian, beltzen lorpen bakoitzaren ondoren atzerapauso nabarmenak egin direla gogoratu du.

West Baltimore auzo txiroan hil zen Fredy gaztea poliziaren eskuetan, 2015ean, Marylanden, Obama presidente zela. 

2017an, Trumpen agintaldian,  Charlottesvillen, Virginian zuri supremazistek martxa bat egin zuten suziak eskuan hartuta. Haien aurrean eliza diferenteetako fededunek giza katea osatu zuten antifaxistekin.  Gazte neonazi batek, autoa hartu eta manifestarien kontra egin zuen eta autoak harrapatuta hil zuen Heather.

250 kilometroko tartea dago bi lekuen artean, eta mundu bat ikuskeran. Europa asaldatu egin zen Charlottsillen esbastikak eta bandera konfederatuak ikusita, baina Estatu Batuetako eskubide zibilen aldeko elkarteek defendatu egin zuten haien adierazpen askatasuna.

Aste honetan bertan Kentuckyn ere izan dira enfrentamentuak beltzen eskubideen aldeko taldeetako kideen eta supremazisten artean. Protesta egin du afroamerikarren komunidadeak, martxoan poliziak tirokatuta hil zen Breonna Tylerren kasuan, delitu arinagatik, zuhurtziagabe jokatzeagatik auzipetuko dutelako tiroketan parte hartu zuen polizietako bat. Beste biak ez dituzte epaituko.

Zatituta ikusten du Mikel Reparazek Estatu Batuetako gizartea, bi pelikula ikusten ari direla dio. batzuk Fox Newsek kontatzen diena eta besteak berriz CNNk edo Washington Postek kontatzen diena.

Kontraesanak eta uste ustelak agerian jartzeko ariketa ere egin du kazetariak: muga Bill Clintonek militarizatu zuela gogoratu du, eta Obamaren garaian bi milioi immigrante kanporatu zituztela. Hori bezala historiako pasarte beltz bat gogoratu du: Tulsan, Greenwood auzoari Wall street beltza deitzen zioten, petrolioa aurkitu zuten, aberatsak ziren bertako beltzak, eta 1921ean airez bonbakatu zuten auzoa erabat deuseztuz. Historiako pasarte hori ahaztuta geratu da erabat eta gaur egun, errepidez eta hormigoiz inguratuta dagoen ezkutuko leku bat da.

5 urte egin ditu berak Estatu Batuetan, eta bidean ezagutu dituenen kontakizunek, bizitzek eta gertaerek osatzen dute ñabarduraz betetako kontakizuna.

Kantuen bidez ere kontatu ditu pasarte asko, Billy Holidayren Strange Fruit, Guthrie Woodyren aldarri abestiak, Public Enemy, Rage Against the machine, Lynyrd Skynyrden Alabamako harrotasuna etb. Spotifyn zerrenda bat ere osatu du liburuaren osagarri.

  • Bisitatuena

      Kargatzen ikusiena
      Kargatzen ikusiena
    ;