Amarauna
THE BLUES HIGHWAY
Ander Zubillaga: "Bederatzi urtez aurreztu dugu dirua bluesaren ibilbidea egiteko"
MIkel Yarza | EITb Media
Ander Zubillaga eta Iñigo Asensio Txaston Dixie Band taldeko gitarra jotzailea eta teknikaria dira. Tolosatik AEBetara joan dira, Bluesaren Ibilbidea egitera. 2.000 kilometroz gaindiko errepideko bidean, Morgan Freeman Hollywoodeko izarraren klubean gelditu eta 'jam session' batean parte hartu dute
-
Bluesaren ibilbidea, AEBetan.
22:21 min
Ander Zubillaga eta Iñigo Asensio tolosarrak musikaz blai dabiltza AEBn. Txaston Dixie Band taldeko kideekin batera joan dira bertara, euren blues zaletasuna asetzera. Kalean, tabernetan... nonahi topatu dituzte zuzeneko emanaldiak, New Orleansetik Nashvillera bidean. Bederatzi urtez aurrezturiko dirua bilduta joan dira Route 61 egitera, garai bateko blues musikariek 'The Blues Highway' gisa izendatu zuten bide seinalatua.
