Amarauna
ATHLETIC-REALA
Nola biziko dute derbia Sydneyn eta Boisen?
Eriz Zapirain | EITb Media
Athleticzaleak eta realzaleak ez dira soilik San Mamesen izango gaur. Ezta gainezka egongo diren Euskal Herriko ehundaka tabernatan ere. Hemendik milaka kilometrotara ere izango dira bi taldeen zaleak pantailari so, beren taldea animatzen.
-
Sydneyko zale zuri-gorriak eta Boiseko zale txuri-urdinak.
21:14 min
Ameriketako Estatu Batuetako Idaho estatuko hiriburuan, Boisen, bada Realeko peña bat, Txuri-urdin Amerikanoak izenekoa. Bertako kide da Haritz Elorza, eta realzaleak Boiseko Lekuona ostatuan bilduko direla kontatu digu.
Munduaren beste puntan, Sydneyn, ere izango da gaurko Athletic-Reala derbia ikusiko duenik. Sydney Zuri-gorri peñakoa da Ion Berganza eta, hango goizeko 4:30etan izan arren, partida ikusteko asmoa dutela esan digu.
