Baipasa
Gure haria
Eserita
Tere Beloki | EiTB Media
Kaleko eserlekuetan sarriago jezartzen ote gara azkenaldian? Albert Einsteinen ondoan eta Mercedesen ondoan eserita aritu gara besteak beste gaur kontutan Baipasan.
-
Einstein eta Mercedes
31:50 min
Kaleko bankuetan eserita aurkitu ditugunei galdetu diegu ezer baino lehen eserlekuotan jezartzeko ohituraz.
Gatikako URBABIL lantegira ere arrimatu gara. Hiri-altzariak egiten dituzte bertan, besteak beste, eserlekuak.
Eta kaleko bi eserleku berezitan eserita aritu gara "Baipasa"n zientziaz eta bakarrik bizi diren adinekoez. Donostiako Eureka Zientzia museoko atarira joan da Unai Iradi lankidea eta Mikel Abadia museoko eduki sortzaile taldeko kimikaria eta biak Albert Einsteinen ondoan jezarri dira.
Marijo Deogracias lankideak berriz, Mercedesen ondoan esertzeko hitzordua egin du Bilboko Kale Nagusian, BBK Fundazioaren egoitzan Eduardo Diazekin. Agintzari ekimen sozialeko kooperatiban europar proiektuen arduraduna da bera eta bakarrik bizi diren adinekoentzat fundazio honen babesarekin martxan jartzen ari diren Behari programa izan dute hizpide.
