Baipasa
GURE HARIA
Zer gorde daiteke kutxetan?
ALOÑA BERAZA | EITb Media
Latoizko kutxak hizpide hartuta, Euskal Kutxak, kutxa beltzak, arte kaxak eta kaxei buruzko antzezlanak aipatu ditugu gaurko saioan.
-
Zer gorde daiteke kutxetan?
39:47 min
Kutxa batean zer gorde daiteke? Pentsatu duzue inoiz zertarako erabiltzen diren kutxak? Euskal Kutxei buruz aritu da gurean Jose Pablo Arriaga eskulturgilea, aitonak hasitako lanei jarraipena eman badie ere, honezkero beste modu bateko sorkuntzak egiten ditu. Euskal Kutxek bere egunerokotasunean duten indarra eta indarra aipatu ditu.
Kutxa batean objektuak gorde daitezke, baina norberaren mundu intimoa da askotan kutxa baten barruan gordetzen dena: oroitzapenekin, objektu kutunekin... kutxa bat unibertso sortzaile oparo baterako leiho irekia ere bihurtzen da. 52 leiho ireki dira berriki Donostiako San Telmo Museoan: Rosa Valerde artistaren unibertso sortzailerako leihoak, alegia. Rosa Valverderen kutxak gertutik ezagutu nahi izan ditu Lierni Ibargutxi lankideak, Isabel Saguesen eskutik.
Objektuak gordetzeko balio badute ere, badira beste kutxa batzuk datuak eta informazioa gordetzeko erabiltzen direnak: kutxa beltzak. Benetako kolorea beltza den, eta beste hamaika galdera egin dizkiogu Aitor Gotiri, Deustoko unibertsitateko ingeniaritza fakultateko irakasleari.
Aldiz, kutxak kaiolaren isla direla uste duenik egon daiteke. Ihes eginnahi eta lau hormen artean itxita geratzearen adibide, esaterako. Edurne Azkaraterekin hitz egin dugu, Formol Antzerki konpainiako kidearekin. Berak azaldu digu Album antzezlanean kutxek nolako garrantzia duten, eta obrak berarekin dakartzan metaforen gainean aritu da.
