Itxi

Baipasa

GURE HIZTEGIA

Norvegierazko "Kos", "Utenpils" eta "Ut på tur, aldri sur" esamoldeen esanahia ezagutu dugu

ALOÑA BERAZA | EITb Media

Ageda Etxeita erizaina da Norvegian. Zornotza utzita bi urte eta erdi daramatza Jaugesund hirian. Aisialdian erabiltzen diren hiru esamoldeekarri dizkigu, eta bide batez Norvegiako bizimoduari buruzko zertzelada batzuk eman ditu

  • Norbegierazko hiru hitz Baiapasako hiztegian

    Norbegierazko hiru hitz Baiapasako hiztegian

    11:25 min
imagen player
imagen player
imagen player

Ageda Etxeita zornotzarrak bi urte daramatza Norvegiako Jaugesund hirian bizitzen. Etxez etxeko arreta medikuan egiten du lan, eta sei hilabetetan ikasi du norbegieraz hitz egiten. Baipasako hiztegira hiru esamolde gehitu ditu Agedak.

Kos hitza egoera atsegin bat deskribatzeko erabiltzen dela kontatu du; leku bati, pertsona bati, otordu bati edota momentu eroso bati erreferentzia egiteko.

Utenpils hitza, ordea, aire zabalean garagardo bat edatearen plazerrari deritzo. "Ute"-k kanpoan esan nahi du, eta "Pils", aldiz, garagardo mota bat da.

Ut på tur, aldri sur esaldiaren hitzez-hitzezko itzulpena ere egin du: mendira joan eta inoiz ez haserre. Euskarazko atsotitz baten moduko esaldia da. Lanaldi luze baten ondoren, ikasten denbora luzea eman ondoren edota deskantsu baten beharra sentitzen duten edozein momentutan erabiltzen dute norbegiarrek esaldi hori. Literalki, mendira joateko oinetako aproposak jantzi eta mendira joateko momentuan erabiltzen den esaldia da.