Baipasa
Gure haria
Errege-erreginak
Bira amaitu berria duten Shakespeareren errege-erreginak, Bluetooth erregea, erle hazleak banatzen ari diren erregin ernalduak eta Arraiozko Erreginetan eta Saratsak ohitura.
-
Errege-erreginak
38:38 min
Las Palmasen amaitu dute asteburuan bira "Erresuma-Kingdom-Reino" antzezlaneko Shakespareren errege-erreginek. Calixto Bieitok zuzendatutako Arriaga antzokiaren azken produkzioan zuzendaritza laguntzaileetako bat eta bira amaieran Richard III. izan den Ane Pikaza aritu zaigu antzokiz antzoki ibili diren errege-erreginez.
Bluetooth teknologia baten izena baino lehen izan zen Danimarkako errege batena. Bi Bluetoothi buruz aritu zaigu Jose Mari Rivadeneyra, Euskal Herriko Unibertsitateko Informatika fakultateko irakaslea.
Egoitz Galarzak, ERBEL erle beltzen hazleen elkarteko koordinatzaileak azaldu digu zergatik ari dira asteotan erregin ernalduak banatzen erlezainen artean. Erleen ugalketaz eman dizkigu aurrez azalpenak.
Eta amaitzeko, Arraiotzen maiatzeko azken igandean izaten den Erreginetan eta Saratsak ohitura ekarri digu "Baipasa"ra Maria Jesus Zubeldiak. Herriko berriemalea da bera Xorroxin irratian.
