Durangoko Azoka eta kanpainako lehenengo eguna, 'Faktoria'n

Ostiral honetan, Durangoko Azokako lehenengo egunean, 'Faktoria'k saio berezia prestatu du.

8.30ean, ‘Pentsalariak’ atalean, Enrike Zuazua eta Garbiñe Ubeda izango ditugu solasean. Jarraian, Ane Wyssendach neurozientzilariari egingo diogu elkarrizketa, ezezaguna zaigun unibertso horren inguruko kontzepturik oinarrizkoenak ezagutzeko.

9.00etatik aurrera, Imanol Murua idazlea izango dugu gurean, ‘Ekarri armak’ izeneko liburu berria aurkezten. 9:30ean, Aitor Esteban EAJko bozeramaleari egingo diogu elkarrizketa, hauteskundeetako kanpainako lehenengo egunean.

10:00etan, magazinari hasiera emateko, Jurdan Arretxe eta Unai Brea izango ditugu, eguneko titularren analisia egiten. 10:30etik aurrera, kirolaren tartea irekiko dugu Xabier Muruarekin. Geroago, Amaia Artetxe izango dugu Durangoko Azokatik zuzenean eta Edorta Unamunok Urdaibai Bird Centerraz hitz egingo digu.

11:30ean Fermin Muguruzarekin egingo dugu zuzenekoa, Durangoko Azokako lehenengo egunaren nondik norakoak ezagutzeko. 12:00etatik aurrera, Leire Agirrezabala, Nagore Telleria, Arrate Hernandez eta Ane Muñoz izango ditugu gurean.