Barrikara joko du 'Faktoria'k 'Game Of Thrones'en grabaziora

Asteazkenean, urriak 19, hasiko dira grabatzen Barrikan (Bizkaian) 'Game Of Thrones' telesail ezaguna. 'Faktoria'ren unitate ibiltaria bertan izango da, eta Amaia Artetxek han ikusten duen guztia kontatuko digu goiz osoan.

7:00etan hasiko da saioa eguneko albiset nagusien errepasoarekin. 8:00etan, Maite Artolak hartuko du saioaren ardura, 'Albiste Faktoria' martxan jarrita. Nico Cuenca ekonomilariaren azalpenen ondoren egingo diogu tartea 'Game Of Thrones' telesailari. Ondoren, solasaldian izango dira Javier Diaz Noci kazetari eta irakaslea, Hedoi Etxarte idazlea eta Nerea Azurmendi kazetaria. 9:00ak aurretik, Stee-Eilas sindikatuko Ana Perezek emango dizkigu hezkuntza arloko mobilizazioei buruzko azalpenak. Bestalde, 9:30 aldera David Barbarinekin hitz egingo dugu, Masmovileko Berrikuntza zuzendariarekin. 10:00ak jo aurretik, Koldo Almandozen zinema gomendioa entzuteko parada ere izango dugu.

10:00etan, Manu Etxezortu hartuko du lekukoa. 'Game Of Thrones' telesail amerikarraren grabazioaren berri eman ondoren, Maria Intxaustegirekin arituko dira itsas arkeologiaz. Kattalin Minerren asteazkeneroko bisita izango dugu, eta, kirol aurrerapenaren ostean, Juanjo San Miguelek emakumeen egoera aztertuko du, nazioartean, boterean gero eta gehiago badago ere, emakumeen kontrako indarkeriak gora egin baitu.

11:00etan, Xalbador izango dugu gogoan. Mixel Aire ren heriotzaren 40. urteurrena dela eta, haren biloba Eneko Bidegainekin oroituko dugu bertsolari handia, eta asteburuan Urepelen ospatuko duten Xalbador Egunaz xehetasunak emango dizkigu Deiadarra elkarteko Itxaro Betartek. Amaia Nausiaren eta Arantzazu Fernandezen solasaldian, bikotekidearen telefonoa kontrolatzeaz arituko dira.

Azkenik, astezkenero bezala, Imanol Ituiño magoaren tartea ere ez da faltako.

Goizeko 7:00etatik 13:00era, martxan izango da 'Faktoria'.