Joseba Asiron eta Aintzane Oiarbide ostiralean, 'Faktoria' saioan

Joseba Asiron Iruñeko alkatea eta Aintzane Oiarbide Bide Azpiegitura diputatu eta bidegiko presidentea izango dira ostiral honetako 'Faktoria' saioko elkarrizketatu nagusiak. Gainera, 'Game Of Thrones' telesailaren arrakastaren giltzarriak ematen ahaleginduko gara hiru zale amorraturekin.

7:00etan hasiko da saioa eguneo albiste nagusien errepasoarekin. 8:00etan, Maite Artolak hartuko du lekukoa. 8:30ean, solasaldian izango dira Iñaki Galdos analista politikoa, Nere Arruti Mondragon unibertsitateko irakaslea eta Felipe Juaristi kazetari eta idazlea. 9:00etan, berriz, Joseba Asiron Iruñeko alkateari egingo dio elkarrizketa, eta, 9:30ean, Aintzane Oiarbide Bide Azpiegitura diputatu eta Bidegiko presidentearekin arituko a solasean. Jon Sarasuak ere izango du tartea 'Albiste Faktoria'n.

10:00etan, berriz, Manu Etxezortuk hartuko du lekukoa, 'Magazina'ri hasiera emateko. Jurdan Arretxe eta Mikel Garcia kazetariek asteko lerroburu nagusiak hautatuko dituzte. Kirol aurrerapena egingo digu Xabier Muruak, eta, ondotik, 10:30en buelta horretan, Edorta Unamunok Urdaibai Bird Centerretik birigarroak iritsi direla kontatuko digu.

11:00etan, 'Game Of Thrones' telesailaren arrakastaren zergatia aztertuko dugu hiru zale amorraturekin, Miren Gaztañagarekin, Aitor Caracciolorekin eta Alex Zarrabeitiarekin. 11:30ean, psikologoaren tartea zabalduko du Garbiñe Agirianok, eta, ondotik, Adiskidetasunaren lorategia aurkeztuko digu Idurre Altunak.

Saioaren azken ordua asteburuan 'Amarauna' saioan izango dituzten edukiak errepasatzen hasiko dugu, Nagore Telleriarekin. Ane Muñozen zinema hautaketa ere izango dugu, eta, gainera, Ai do project dantza taldea alzheimer gaitza duten pertsonekin gauzatzen ari den proiektua ere ezagutuko dugu.

7:00etatik 13:00era, martxan da Euskadi Irratiko 'Faktoria'.